Монгол улсад “БАГШ” мэргэжлээр суралцаж буй оюутнуудын дунд жил бүр зохион байгуулагддаг “Оюутны багшлахуйн ур чадвар” улсын XXII олимпиадын нээлтийн үйл ажиллагаа өнөөдөр Ерөнхий боловсролын 1 дүгээр сургуулийн урлагийн танхимд боллоо. Олимпиадыг МУБИС-ийн Боловсрол судлалын сургуулийн Хөтөлбөрийн албаны дарга Ж.Шинэбаяр нээж үг хэллээ.
Тус олимпиадыг МУБИС-ийн Боловсрол судлалын сургууль, МУИС-ийн зүүн бүсийн сургууль, Нийслэлийн Ерөнхий боловсролын 1 дүгээр сургууль, 61 дүгээр цэцэрлэг, 29 дүгээр сургууль хамтран зохион байгуулж буй бөгөөд нийт 9 багийн 45 оюутан оролцож байна.
