1. Спортын амжилтаар дүүрэн аравдугаар сар.
Х сард манай суралцагчид спортын амжилтаараа Дэлхий, Тив, Улсын хэмжээний олон тэмцээнд амжилт гарган нэр алдраа дуурсгав. Тухайлбал, Биеийн тамирын сургуулийн оюутан Б.Хонгорзул Грек улсад болсон Жюү Жицүгийн Дэлхийн аваргаа шалгаруулах тэмцээнд 2024.10.27-ны өдөр “Контакт” төрлийн +70кг жинд амжилттай барилдаж, мөнгөн медалийн болзол хангав. БНХАУ-ын Шиянь хотноо 2024.10.20 нд болж өндөрлөсөн “AJP TOUR GRAND SLAM” тэмцээний насанд хүрэгчдийн ХӨХ БҮСНИЙ -62 кг жинд барилдсан МУБИС-ийн JUMP хөтөлбөрийн оюутан Батсуурийн Баяртулга алтан медаль хүртлээ. Аялал жуулчлалын боловсрол, хөгжлийн нийгэмлэгийн дэргэдэх Аялал Жуулчлалын Оюутны нэгдсэн холбооноос зохион байгуулсан “Tourism & Hospitality STUDENT CUP-2024" волейболын тэмцээнд Биеийн Тамирын Сургуулийн Спорт аялал жуулчлалын 2-р курсийн Н.Сэлэнгэ ахлагчтай эмэгтэй баг II байрт шалгарч мөнгөн медалийн эзэн боллоо. Шилдэг хамгаалагчаар Д.Энхжин тодорсон юм.
2. Математик, байгалийн ухааны сургуулийн Биологийн тэнхимээс уламжлал болгон зохион байгуулдаг “МИНИЙ МОНГОЛ” фото зургийн уралдаан боллоо.
Тус уралдаан нь зэрлэг амьтан, байгалийн ургамал,байгалийн үзэсгэлэн гэсэн гурван төрлөөр болдог ба энэ жилийн уралдаан нь 2024.11.10-15-ны өдрүүдэд бүтээл хүлээн авч 2024.11.19-нд дүнгээ гаргах юм.