Зэвсэгт хүчний Жанжин штаб, Тусгай хүчний цэргийн командлалаас "Батлан хамгаалах үйлсэд оюутан, залуусын оролцоо" төслийг 2024 оны 11 дүгээр сарын 01-ний өдрөөс 2025 оны 06 дугаар сарын 01-ний өдрийн хугацаанд хэрэгжүүлэхээр төлөвлөсөн бөгөөд тус төслийн хүрээнд 2024.11.14-ний 15:30 цагт МУБИС-ийн оюутны хөгжлийн танхимд оюутан, суралцагчдад зориулсан сургалт, Батлан хамгаалах салбарын нээлттэй ажлын байрны танилцуулга хийлээ.
Тус үйл ажиллагаанд бүрэлдэхүүний 7 сургуулийн 100 гаруй оюутан оролцож, батлан хамгаалах салбартай холбоотой асуулт хариулт, хэлэлцүүлэг, нээлттэй ажлын байранд бүртгүүлэх тухай мэдээлэл, зөвлөмж авлаа.
