МУБИС-ийн урилгаар ХБНГУ-ын Нойбрандбургийн Хэрэглээний Шинжлэх Ухааны Их Сургуулийн төлөөлөгч профессор Бернхард Нагел, профессор Клаудиа Нюрнберг нар 2025 оны 03 дугаар сарын 20-ноос 04 дүгээр сарын 01 -ний хооронд МУБИС-д ажиллалаа.
Энэ хугацаанд зочин профессорууд МУБИС-д Сургуулийн өмнөх болон бага боловсролын чиглэлээр лекц, уулзалт, хэлэлцүүлэг, эрдэм шинжилгээний хурал зохион байгуулж, Архангай болон Баян-Өлгий аймаг дахь салбар сургуулийн багш, экспертүүдэд зориулсан онлайн, танхимын сургалт хийсэн төдийгүй Төв аймгийн Аргалант сумын цэцэрлэгээр зочилсон юм.
Айлчлалын төгсгөлд Сургалт, хамтын ажиллагаа эрхэлсэн проректор, доктор Д.Соронзон, Гадаад харилцааны албаны дарга, дэд профессор Г.Цогзолмаа нар хүлээн авч уулзлаа.
