Хөвсгөл аймгийн Боловсролын газрын дэргэд “ӨСВӨРИЙН БАГШ КЛУБ” байгуулагдаж тус аймгийн ерөнхий боловсролын 31 сургуулийн 144 сурагчид гишүүнээр элсжээ.
2025 оны 05 дугаар сарын 09-ний өдөр болсон клубын анхдугаар уулзалт, өдөрлөгт МУБИС-ийн багш, оюутнууд Хөвсгөл аймгийг зорин оролцож, БАГШ мэргэжлийн онцлог давуу тал, бусад салбарт хөрвөн ажиллах боломж, МУБИС-д элсэн суралцах үйл явц, дэмжлэг тэтгэлгийн талаар сурагчдад дэлгэрэнгүй мэдээлэл танилцуулга хийлээ. Мөн оюутнууд байгалийн ухааны болон технологийн сонирхолтой туршилт үзүүлбэрүүдийг үзүүлэн МУБИС-иас хэрэгжүүлдэг оюутанд чиглэсэн хөгжил үйлчилгээ, таатай боломжуудын талаар сурагчидтай хуваалцсан юм.
МУБИС-ийн төлөөлөгч, МБУС-ийн захирал, доктор Т.Ганбаатар Хөвсгөл аймгийн Боловсролын газар, "Өсвөрийн багш клуб"-тэй цаашид нягт уялдаа холбоотой байж сурагчдыг бүх талаар дэмжин ажиллахаа илэрхийлсэн юм.
“ӨСВӨРИЙН БАГШ КЛУБ”-ийн анхдугаар уулзалт, өдөрлөгийг
- ХӨВСГӨЛ АЙМГИЙН ЗАСАГ ДАРГЫН ТАМГЫН ГАЗАР
- ХӨВСГӨЛ АЙМГИЙН БОЛОВСРОЛЫН ГАЗАР
- ХӨВСГӨЛ АЙМГИЙН ХӨДӨЛМӨР, ХАЛАМЖИЙН ҮЙЛЧИЛГЭЭНИЙ ГАЗАР
- СОД-ЭРДЭМ ЕРӨНХИЙ БОЛОВСРОЛЫН СУРГУУЛЬ
- МОНГОЛ УЛСЫН БОЛОВСРОЛЫН ИХ СУРГУУЛЬ хамтран зохион байгууллаа.
Хөвсгөл аймгийн засаг даргын “Бүтээлч Хөвсгөлчүүд” үйл ажиллагааны хөтөлбөрийн хүрээнд Хөвсгөл аймгийн боловсролын газрын дэргэд байгуулагдсан "Өсвөрийн багш клуб"-ийн үйл ажиллагаанд амжилт хүсье.
