МУБИС-ийн Дүрслэх урлаг, технологийн сургуулиас I ангийн суралцагчдадаа зориулан чиглүүлэх уулзалтыг зохион байгууллаа. Уулзалтад ДУТС-ийн захирал, доктор С.Батцоож тэргүүтэй сургуулийн хамт олон бүрэн бүрэлдэхүүнээрээ оролцож, багш, мэргэжилтэн, ажилтнуудыг танилцуулан сургуулийн бүтэц, онцлог, давуу тал, сургалтын үйл ажиллагаа болоод цаашдын бодлого, төлөвлөлтийн талаар мэдээлэл танилцуулга хийсэн юм.
ДУТС-ийн багш, мэргэжилтнүүд хичээл сонголтоос эхлээд оюутны баримтлах дүрэм, журам, бүтээлч байдал, суралцах хугацаандаа юун дээр анхаарах, хичээлээс бусад сайн дурын ажил, нийгмийн идэвх оролцоо, оюутны хөгжил үйлчилгээний талаар дэлгэрэнгүй мэдээлэл зөвлөгөө өгч чиглүүлэх уулзалтыг зохион байгууллаа.
