МУБИС-ийн Багшийн сургууль, Нийслэлийн ерөнхий боловсролын Улаанбаатар сургуультай хамтран “Багшлах арга зүйн ур чадвар–2025” уралдааныг төгсөх курсийн оюутнуудын дунд зохион байгууллаа.
МУБИС-ийн санхүүжилттэй суурь судалгаа, инновац болон захиалгат төслөөр Багшийн сургуулийн эрдмийн хамт олон “Бага боловсролын хөгжил” төслийг хэрэгжүүлж “Бага боловсролын үндэс” нээлттэй сурах бичиг, “Бага боловсрол” толь бичиг гэсэн 2 үндсэн бүтээлийг боловсруулж, оюутны хүртээл болгож байна. Тус ном бүтээлүүдийг боловсруулахад Багшийн сургуулийн 38 профессор багш нарын ур ухаан шингэжээ.
Тус төслийн санаачлагчаар Багшийн сургуулийн ХА-ны дарга, профессор Д.Наранцэцэг, төслийн зохицуулагчаар Багшийн сургуулийн захирал, дэд профессор Г.Бямбацэрэн, төслийн удирдагчаар Багшийн сургуулийн багш, доктор (Ph.D) Д.Ганболд нар ажилласан байна.
