МУБИС-ийн удирдлагууд батлагдсан хуваарийн дагуу 7 хоног бүр бүрэлдэхүүний 2 сургуульд ажиллаж, МУБИС-ийн үйл ажиллагаа, алсын хараа, бодлого шийдвэрийг багш ажилтнуудад танилцуулан, санал сэтгэгдлийг сонсох уулзалт хийж эхэллээ.
Удирдлагын баг болох МУБИС-ийн Ректор, профессор Ж.Батбаатар, Сургалт хамтын ажиллагаа эрхэлсэн проректор, доктор Д.Соронзон, Эрдэм шинжилгээ, хамтын ажиллагаа эрхэлсэн проректор, профессор Б.Хоролдагва, Санхүү хөрөнгө оруулалтын газрын захирал Д.Тогтохбаяр, Захиргаа хүний нөөцийн газрын захирал, дэд профессор Л.Мөнхтуяа нар өнөөдөр Багшийн сургуулиас тус ажлыг хэрэгжүүлж байна.
