1. МУБИС-ийн оюутны “ШУДАРГА ЁС” клуб шинээр байгуулагдлаа.

Оюутны “ШУДАРГА ЁС” клуб шинээр байгуулагдаж, анхны уулзалтаа 2024.10.23-нд хичээлин 1-р байрны 200 танхимд хийж,  тус клубд гишүүнээр элссэн 200-аад суралцагчид уулзалтад оролцлоо. Тус клуб нь үе тэнгийн оюутан залуус, олон нийтэд авилгын эсрэг хууль, тогтоомжийг сурталчлах, хүнд суртал, чирэгдлийг бууруулж, ёс зүйтэй нийгмийг бий болгоход нөлөөллийн ажил зохион байгуулж, соён гэгээрүүлэх үйлст өөрсдийн хувь нэмрээ оруулах зорилготой юм.

2. "МЭРГЭЖЛЭЭ ХЭН САЙН МЭДЭХ ВЭ?" нийгмийн ажлын мэргэжлийн 27-р олимпиад боллоо.

Боловсрол судлалын сургуулийн Нийгмийн ажил, арга зүйн тэнхмээс уламжлал болгон зохион байгуулдаг "Мэргэжлээ хэн сайн мэдэх вэ?" Нийгмийн ажлын мэргэжлийн 27-р олимпиад “Нийгмийн ажилтнууд далайцтай өөрчлөлтийн төлөө хамтдаа” сэдвийн хүрээнд 2024.10.26-нд Монголын хүүхдийн ордонд зохион байгуулагдлаа. Тус олимпиад нь 1997 оноос өнөөг хүртэл жил бүр уламжлал болон зохион байгуулагддаг байна.