МУБИС-ийн удирдлагууд 7 хоног бүр бүрэлдэхүүний сургуулиудад ажиллаж, МУБИС-ийн үйл ажиллагаа, алсын хараа, бодлого шийдвэрийг багш ажилтнуудад танилцуулан, санал сэтгэгдлийг сонсох уулзалт хийж байна.
Өнөөдөр МУБИС-ийн Ректор, профессор Ж.Батбаатар, Эрдэм шинжилгээ, хамтын ажиллагаа эрхэлсэн проректор, профессор Б.Хоролдагва, Захиргаа, хүний нөөцийн газрын захирал, дэд профессор Л.Мөнхтуяа болон Санхүү хөрөнгө оруулалтын газрын захирал Д.Тогтохбаяр нар Сургуулийн өмнөх боловсролын сургуульд ажиллалаа.
Уулзалтаар бүрэлдэхүүний сургуулиудын нөхцөл байдалтай танилцан, багш ажилтнуудын санал хүсэлтийг сонсож, шийдвэрлэх асуудлуудыг байгууллагын цаашдын үйл ажиллагаа, төсөв, төлөвлөгөөнд тусган удирдлагын баг ийнхүү ажиллаж байна.
