ХБНГУ-аас Монгол Улсад суугаа элчин сайд Хэлмит Кулитц, соёлын атташе Лулу Деку нар бусад төлөөлөгчдийн хамтаар МУБИС-д зочилж, МУБИС-имйн Ректор, профессор Ж.Батбаатар, НХУС-ийн захирал, дэд профессор Н.Мягмарцоож, Гадаад харилцааны албаны дарга, дэд профессор Г.Цогзолмаа болон Герман хэлний тэнхимийн багш, доктор Д.Лхамхүү нар тэднийг хүлээн авч, албан уулзалт хийлээ.
Тус уулзалтаар Герман улсын их дээд сургуультай хамтарсан үйл ажиллагаа, Герман хэлний багшаар суралцаж буй оюутнуудад олгодог боломж нөхцөл, тэтгэлэгт хөтөлбөр, оюутан солилцоо, элсэлт болон Герман хэлний түвшин тогтоох албаны ёсны шалгалтын талаар ярилцаж, МУБИС-ийн хамт олны үйл ажиллагаанд талархаж байгаагаа ХБНГУ-аас Монгол Улсад суугаа элчин сайд Хэлмит Кулитц илэрхийлсэн юм. Цаашид ХБНГУ-аас Монгол Улсад суугаа элчин сайд Хэлмит Кулитц, соёлын атташе Лулу Деку нар МУБИС-тай холбоотой үйл ажиллагааг үргэлж талархалтай дэмжин ажиллахаа илэрхийлсэн юм.
