1. “Эерэг хандлага- эрүүл оюутан” оюутны эрүүл мэндийг дэмжих сарын аяны нээлт боллоо.
Боловсролын яам, Соёл, спорт, аялал жуулчлал залуучуудын яам, Эрүүл мэндийн даатгалын ерөнхий газар, Нийслэлийн эрүүл мэндийн газар, Засгийн газрын хэрэгжүүлэгч агентлаг Боловсролын ерөнхий газраас хамтран зохион байгуулж буй “ЭЕРЭГ ХАНДЛАГА- ЭРҮҮЛ ОЮУТАН” оюутны эрүүл мэндийг дэмжих сарын аяны нээлтийн арга хэмжээ 2024.10.14-ний өдөр хичээлийн 1-р байрны 200 танхимд зохион байгуулагдаж, 205 оюутан оролцлоо. Аяны хүрээнд оюутан, суралцагчдыг эрүүл мэндийн даатгалд хамруулах, эрүүл мэндийн боловсрол олгох сургалт, хэлэлцүүлэг зохион байгуулах, урьдчилан сэргийлэх үзлэгт хамруулахаар ажиллаж байна.
2. Сэлэнгэ аймгийн Алтанбулаг сумын ЕБС-ийн төгсөх ангийн сурагчид МУБИС-д зочиллоо.
Сэлэнгэ аймгийн Алтанбулаг сумын ерөнхий боловсролын сургуулийн 12-р ангийн 38 сурагч 2024.10.17-нд МУБИС-д зочилж, МУБИС-ийн бакалаврын хөтөлбөрийн элсэлтийн мэдээлэл болон сургалтын орчинтой танилцах аялал хийлээ. Тус аяллын хүрээнд МУБИС-д элсэн суралцахаар сонирхож буй сурагчдад сургалтын орчин нөхцөл, МУБИС-ийн тэтгэлэгт хөтөлбөр, боломжуудыг дэлгэрэнгүй танилцуулж, сурагчдын сонирхсон асуултад хариулт өглөө.